Құқықтық сауаттылық бойынша жедел желі іске қосылды
Қоғамда сыбайлас жемқорлықтан толық бас тарту ахуалын қалыптастыру – республиканың барлық өңірлерінде іске қосылған "Заң Үстемдігі" жаңа жобасының негізгі мақсаты. Бұл жоба заңдардың бұзылуына жол бермеу үшін Қазақстан тұрғындарының құқықтық сауаттылығын арттыруға арналған.
Жобаға барлығы 1463 сенім телефонына хабарласу немесе сайтта өтінім қалдыру арқылы қатыса алады. Мұнда сіз кез-келген сыбайлас жемқорлық фактілері туралы хабарлап қана қоймай, сонымен қатар өз сұрақтарыңыз бойынша мамандардың құқықтық кеңесін пайдалана аласыз.
Бағдарламаны осыдан үш жыл бұрын құрылған "Әділдік жолы" республикалық қоғамдық бірлестігі іске қосты. Қызмет аясында он бес миллиард теңгеден астам мемлекеттік сатып алулармен мыңға жуық алаяқтық фактілерін анықтауға мүмкіндік туды. Үш жүзден астам шенеунік жауапқа тартылды.
Екі жыл ішінде бірлестік Қазақстандықтардың сегіз мыңға жуық өтінішін қабылдады. Нәтижесінде бюджетке сегіз жүз миллион теңгеден астам айыппұл төлеген мыңнан астам адамды жауапқа тарту болды.
